ВИДЕО | Видно слаба и нестабилна: Погледнете го последното интервју на Лиза Мари Присли два дена пред смртта
Само два дена пред срцевиот застој, од чии последици почина денеска во болница, Лиза Мари Присли се појави на 80. доделување на наградите Златен глобус во Лос Анџелес и прошета по црвениот тепих.
Ќерката на Елвис Присли и поранешната сопруга на Мајкл Џексон, на доделувањето на наградата што се одржа во вторникот на 10 јануари, изгледала кревко, а во еден момент побарала помош од пријател, пишува „Пејџ сикс“.
View this post on Instagram
Филмот „Elvis“ беше награден на Златните глобуси, а Лиза Мари дала и интервју на црвениот тепих. Она што сега го проучуваат светските медиуми се очигледните знаци на слабост кои 54-годишната Лиза ги покажала пред камерите во вторникот вечерта.
Пред новинарите дошла во придружба на нејзиниот пријател, односно пријател на нејзиниот татко, Џери Шилинг, а во еден момент му се обратила на 80-годишникот бидејќи ѝ требала помош. „Ќе те фатам за рака“, му рекла додека новинарот ѝ поставувал прашања.
Било очигледно дека Лиза Мари зборува побавно од вообичаено за време на интервјуто и дека изгледа малку „кревко“. Се чинело како едвај дa ги држи очите отворени, а во говорот малку мрморела додека одговарала на прашањата за ѕвездата на филмот, Остин Батлер.
– Изгледа толку слабо. Се гледа дека срцето ѝ е скршено – коментирал корисник под интервјуто на Лиза, мислејќи на фактот дека не може да ја прежали смртта на нејзиниот син Бенџамин во 2020 година.
– Погледнете како го фати Џери за рака. Мислам дека таа не е добро, се молам за неа – додал друг.
Трет заклучил дека изгледа кревко, но и како да има сѐ под контрола.
Лиза во интервјуто одговорила дека го обожава Остин Батлер и дека е воодушевена откако го видела неговата глума во филмот, која на крајот на вечерта му донесе награда Златен глобус. Лиза открила дека ѝ биле потребни пет дена да ја процесира глумата на Батлер бидејќи била точна и автентична.
View this post on Instagram
Мајката и ќерката, Присила и Лиза седеле заедно на масата на Златните глобуси, облечени во црни модни комбинации. На доделувањето на наградите во Лос Анџелес се дружеле со екипата од филмот „Elvis“ со која и претходно соработувале.
Да потсетиме, Лиза Мари Присли, почина денеска, 13 јануари, на 54-годишна возраст, од последици од застој на срцето. Тажната вест ја потврди и нејзиното семејство.
Ќерката на Елвис Присли, Лиса Мари, примена во болница со симптоми на срцев удар
