ВИДЕОИНТЕРВЈУ | Синиша Пекевски: ДУИ дефинитивно оди во опозиција
Најголемата придобивка од претстојните парламентарни избори во Македонија, според аналитичарот Синиша Пекевски е тоа што ДУИ дефинитивно ќе напушти власта и ќе се пресели во опозиција.
– Првиот сигнал беше со ставањето на Мерко на „црната листа“, од друга страна вчера гледаме дека Али Ахмети срдечно, како најголеми соработници во Струга се поздравуваат и го организираат митингот, што значи дека им се смејат во очи на своите најголеми поддржувачи и тоа е доволен сигнал да покажат дека ја губат поддршката од САД – вели Пекевски во утринската програма на Слободен Печат.
Пекевски предвиде и дека на претстојните избори ВМРО-ДПМНЕ би можел да освои и повеќе од 61 пратеник, бидејќи по катастрофалниот резултат на претседателските избори, очекува „цунами“ од разочарување на помеѓу гласачкото тело на СДСМ.
Тој верува дека Христијан Мицкоски ќе направи владина коалиција со Вреди, но не верува дека ќе биде добра идеја на власта да ѝ се приклучи и Знам на Максим Димитријевски.
На владејачката партија ѝ прогнозира слична судбина како и на Демократска партија од Србија, која по години владеење се расцепка на повеќе фракции и се пресели на маргини на политичкиот живот.
Повеќе од разговорот во студиото со Пекевски можете да погледнете во видеото во продолжение.