Марија Корина Мачадо, венецуелската опозициска лидерка и добитничка на Нобеловата награда за мир, смета дека Доналд Трамп заслужува да стане лауреат за таа награда.

Hannity: Did you at any point offered to give him the Nobel peace prize?

Machado: It hasn’t happened yet. We want to give it to him. Share it with him. pic.twitter.com/fIGSbnjshc

— Acyn (@Acyn) January 6, 2026

Запрашана дали му ја понудила Нобеловата награда што самата ја доби, Мачадо одговори дека уште не го направила тоа.

-Сакаме да му ја дадеме. Да ја поделиме со него. Му ја посветив на претседателот Трамп зашто тогаш верував дека тоа го заслужува. Многумина зборуваа дека е неможно да се постигне она што тој го постигна во саботата на 3 јануари. Ако мислев дека ја заслужува Нобеловата награда во октомври, сега замислете тек сега како е. Му покажа на светот што значи тоа, рече Мачадо.

Мачадо изрази надеж за иднината на Венецуела после акцијата на Трамп.

-Сакам денеска во име на венецуелскиот народ да изразам колку сме благодарни на неговата храбра визија и историските акции што ги презеде против овој наркотерористички режим, да почне со разбивање на структури и изведување на Мадуро пред правдата. Тоа значи дека 30 милиони Венецуелци сега се поблиску до слободата а и дека САД е побезбедна денеска, оцени таа додавајќи дека Трамп со своите постапки во Венецуела покажал дека ја заслужува Нобеловата награда за мир.