Во опуштена и пријателска атмосфера каква што само Трамп може да создаде, американскиот претседател во понеделникот се сретна со привремениот претседател на Сирија, Ахмед ал-Шара, објави Дејли мејл.

Човекот за кого само пред една година беше распишана награда од 10 милиони долари пристигна во Овалната соба на средба со Доналд Трамп.

Средбата се одржа далеку од новинарите и камерите, но со присуство на официјални фотографи за да ја забележат единствената сцена.

Трамп му подари на сирискиот претседател шишенца парфем, па дури и го испрска, како и уште еден од членовите на сириската делегација.

Trump sprays Syrian President Ahmed Al-Sharaa with his “Victory” cologne at the White House. pic.twitter.com/DrjHzLnHYb

— Ariel Oseran أريئل أوسيران (@ariel_oseran) November 12, 2025

„Тоа е најдобриот парфем! А другиот е за твојата жена“, изјавил тој за Ал-Шара.

Но, Трамп веднаш го прашал: „Колку жени имаш?“ „Една“, одговорил сирискиот претседател, поттикнувајќи го коментарот на Трамп: „Една? Со луѓе како тебе, никогаш не се знае!“

За споредба, парфемот се чини дека е оној што Трамп го издаде под името 45-47 (бидејќи тој е 45-ти и 47-ми претседател на Соединетите Американски Држави) по прилично висока цена, 249 долари за машката и женската верзија.

Во исто време со состанокот, САД ги суспендираа санкциите против Сирија за уште 180 дена по наредба на Трамп. Сепак, сосема е можно тие целосно да бидат укинати, но за тоа ќе биде потребно гласање во Конгресот.

Ал-Шара рече дека му понудил на Трамп симболични подароци, копии од антички сириски артефакти.