Талибанците во Авганистан уапсија четири млади мажи поради носење облека инспирирана од серијата „Пики Блајндерс“ (Peaky Blinders), пренесува Дејли мејл.

Апсењата беа извршени во Херат од страна на талибански спроведувачи на моралот, а четворицата млади мажи беа обвинети за „промовирање на странска култура“.

На социјалните мрежи претходно имаше видеа и фотографии од четворицата млади луѓе, а корисниците ги нарекуваа „Џебраел Шелби“.

The Taliban have detained four young Afghans for dressing in a Peaky Blinders–inspired style

The men tried to explain that they were simply inspired by the series. But they were accused of “promoting a foreign culture.”

Taliban officials said such behavior “does not align with… pic.twitter.com/0xYwKigXgq

— NEXTA (@nexta_tv) December 9, 2025

Во интервју на Јутјуб канал, четворицата млади мажи рекоа дека ја носеле облеката од восхит кон модата на популарната ТВ серија, наведувајќи позитивни реакции.

Портпарол на Министерството за промоција на доблестите и спречување на пороците на талибанците рече дека однесувањето е некомпатибилно со „исламските вредности и авганистанската култура“.

Тој дури објави и видео на кое еден од мажите изразува жалење за своето однесување.