ВИДЕО | Среќна нова година: Пол Мекартни ги откри филтрите на „Инстаграм“ и стана вистински хит
Легендарниот Пол Макартни во новата година се фатил за учење нови трикови, пренесува „Daily Mail“.
Имено, 79-годишниот музичар го открил светот на филтрите на социјалната мрежа „Инстаграм“, па решил својата умешност да ја сподели со своите 3,7 милиони следбеници.
Мекартни стана инстант хит на социјалните мрежи откако го „претстави“ новиот бенд кој го открил на новогодишната ноќ. Зад сите ликови од бендот стои Пол, покажувајќи дека си го бидува и за глума.
Пол очигледно се заиграл со најразличните филтри па си измислил нов бенд кој го нарече „Линстром“, а легендата на Битлси рече дека станува збор за хеви метал фолк музички склоп, составен од четворица изведувачи и неименуван менаџер.
Ѕвездата наполни 80 години во јуни, но неодамна откри дека не се чувствува воопшто стар. Пол за време на интервју за „Sirius XM“ истакна дека не му се ни верува дека веќе е дедо.
„Всушност имам 25 години, само изгледам постаро, мислам дека мојот извод на родени е фалсификуван“, се пошегува тој.
На прашањето што му дава смисла на неговиот живот, Пол одговори: „Семејството. Имам осум внуци, фантастична сопруга, прекрасни деца и мислам дека тоа е дефинитивно фокусот“.