ВИДЕО: Спасувачите се борат со времето, повеќе од 2600 загинати по мароканскиот земјотрес
Од час во час расте бројот на загинати во разорниот земјотрес во Мароко. Според последните информации од Министерството за внатрешни работи на Мароко досега загинале 2.681 луѓе, а 2.501 се повредени, јавуваат агенциите.
Земјотресот со јачина од седум степени според Рихтеровата скала се случи ноќта на 8 септември во Мароко, со епицентар во областа Ел-Хуз во Маракеш.
Освен Маракеш, земјотрес ги погоди и главниот град Рабат и градовите Казабланка, Мекнес, Агадир и Фес.
Националниот центар за научни и технички истражувања со седиште во Рабат соопшти дека земјотресот бил со јачина од 7 степени според Рихтеровата скала и дека неговиот епицентар бил во провинцијата Ал Хоуз, југозападно од Маракеш, популарна дестинација за странските туристи.
Локалните медиуми објавија дека ова е најсилниот земјотрес што некогаш го погодил Мароко.
Horrible scenes after the earthquake in Marrakesh of Morocco 🇲🇦
TELEGRAM JOIN 👉 https://t.co/9cTkji5aZq pic.twitter.com/Bh34q0vpRT
— Disaster News (@Top_Disaster) September 9, 2023