ВИДЕО: СКАНДАЛ во Париз, поради расизам прекинат натпреварот помеѓу ПСЖ и Башакшехир
По 13 минути игра, фудбалерите на турскиот шампион Истанбул Башакшехир го напуштија теренот на „Паркот на принцевите“ каде играа против ПСЖ, поради навреди на расна основа.
Како главен виновник за инцидентот кој придонесе за играчите на Башакшехир да го напуштат теренот е резервниот судија, Себастијан Колтрену од Романија.
Инцидентот се случи откако беше досуден фаул за ПСЖ, на што бурно реагираа претставниците на турскиот клуб и играчите на клупата. Четвртиот судија од Романија го повика главниот судија, за да му каже кому да го покаже жолт картон, а според присутните, наместо да посочи, тој го навредил Камерунецот Пјер Вебо нарекувајќи го „ala negru“ (ала негру) што во превод значи „оној црнецот“.
Ова го слушна неговиот соиграч Демба Ба и веднаш бурно реагираше, заработувајќи црвен картон.
PSG vs Istanbul Basaksehir has been suspended following an alleged racist incident involving the 4th official towards Istanbul's assistant manager. pic.twitter.com/mLIkZiPK7u
— Champions League on CBS Sports (@UCLonCBSSports) December 8, 2020
„Кога се обраќаш на белец не велиш „овој бел играч“, но кога станува збор за Афроамериканец тогаш кажуваш „оној црнецот“, револтирано му рече Демба Ба на резервниот судија.
PSG v Basaksehir assistant referee allegedly said the “n-word” to a staff of Basaksehir pic.twitter.com/TIDp5vlyk1
— noobfcb (@noob_fcb) December 8, 2020
По случката, играчите на турскиот тим демонстративно го напуштија теренот и не се вратија, а и играчите на ПСЖ заминаа со нив, во знак на солидарност.
Натпреварот повторно ќе се одигра утре, во 19 часот.
„Иако судијата се правдаше дека не кажал лоша работа на неговиот јазик, мора да внимава што зборува на ваков важен натпревар. Моравме да реагираме вака. Се повлековме во соблекуваната. Ни кажаа дека четвртиот судија е разрешен и дека ќе дојде замена од ВАР собата. Продолживме со протестите. Како резултат на нашата дискусија со УЕФА, мечот ќе продолжи утре. Ќе има нови судии. Ние сме тим, па ако има реакција, тоа го правиме сите заедно. Имавме состанок во соблекувалната и донесовме одлука да постапиме вака“, изјави Мустафа Ерогут, генералниот извршен директор на клубот од Турција.