Шпанската ватерполо репрезентација ја совлада Италија во финалето на Светското првенство кое се организираше во Унгарија по подоброто издание на пеналите 15:14 (9:9 по регуларниот дел од натпреварот).

Шпанците подобро го отворија мечот, поведоа преку Алберто Мунаризо и Алваро Гранада, но Италијанците брзо ги стигнаа, па по првата четвртина беше 3:3.

Црвената „фурија“ беше одлична во нападот во вториот дел од дуелот, но потоа Италијанците немаа одговор во базенот.

На почетокот на вториот дел селекторот на „аѕурите“ Алесандро Кампања ги смени голманите и наместо Марко Де Лунго му даде шанса на Џанмарко Никозија кој се истакна со одбрани се снајде во одбраната, а Италијанците тоа го искористија во нападот за да им се доближат на Шпанците.

Во последните две минути од натпреварот се влезе со егал резучтат, а бидејќи одбраните беа на висина на задачата, петерците мораа да ги раздвојат двете селекции.

Во нив подобро се снајдоа Шпанците и на крајот го освоија златниот медал. Ова им е трета светска титула, претходните две ги освоија во 1998 и 2001 година.