ВИДЕО | Сергеј со ново урнебесно шоу за мода, трендови и стил: Без влакна на јазикот за Елена – „Живот без стил“, Тамара и Боки 13, Ким Кардашијан и Ријана
Вечерва точно во 19 часот стартуваше премиерно новата емисија на популарниот стилист и тренд сетер Сергеј Варошлија – Sergej Reinvented. Модното шоу кое со нетрпение го очекуваше публиката постави нови стандарди кога е се во прашање модата, трендовите и стилот кој се негува на домашната и на странска сцена.
Емисијата е составена од 5 сегменти и Сергеј овој пат понуди совети за секоја жена која сака да изгледа модерно, шик и да плени со својот изглед во секојдневните прилики.
„Индустрија за убавина“ е рубриката каде Сергеј направи рецензија на производи за убавина, овојпат тоа беа кармини кои ги анализираше според квалитет и цена, а сподели и совети за тоа како се навлегува подетално во индустријата за убавина.
Во рубриката Мода In&Out Сергеј направи преглед на модните трендови кај нас и во светот, што е in, што е out, што се случува на светската модна сцена и дали нешто од тоа може да го видиме и кај нашите јавни личности. Тој зборувајќи за светскиот џет сет го искоментира стајлингот на популарната старлета Ким Кардашијан, пејачката Ријана и други и ја пофали Тамара Тодевска за својот изглед.
Рубриката „Модни катастрофи“ со која Сергеј остави посебен печат продолжи и во новото издание па гледачите ќе може да погледнат која од македонските јавни личности е на „тапет“ кај Сергеј поради своите модни промашувања. Вечерва Сергеј во свој стил го коментираше стајлингот на водителката Елена од емисијата која тој ја нарече „Живот без стил“ и тоа го образложи.
Она што е новитет е секако „Плакарот на Кека“ или како може да рекреирате изглед на некоја позната личност со парчиња облека кои веројатно ги имате по дома или по плакарите на вашите блиски и како тој концепт да го „модернизирате“, да го направите посекојдневен и да го прилагодите на вашиот стил.
На крајот Сергеј одговараше и на прашања од гледачите, како што само тој знае најдобро – без филтер и цензура. Директно одговори и на прашањето во какви односи е со Боки 13: Тој бил, е и ќе остане мој пријател“, искрен е Сергеј.
Веднаш по премиерата „Слободен печат“ успеа да добие ексклузивен коментар од Сергеј.
-Навистина ми е драго што материјалот кој го подготвувавме веќе неколку месеци конечно се сподели со јавноста! После 2 години медиумско отсуство, јас сум навистина среќен што повторно можам да го правам тоа што навистина го сакам – да се дружам со публиката притоа коментирајќи ги сите аспекти кои јас лично ги следам и практикувам секој ден – убавина и мода. Форматот е различен и диманичен, содржината е испланирана и можам да ви кажам дека ќе станува само поинтересно. Сигурен сум дека ќе и се допадне на публиката (и на фановите и на хејтерите 😊) и со нетрпение го очекувам следниот период!, изјави Сергеј по премиерата на првата емисија од шоуто.
Првата епизода можете да ја погледнете на следниот линк:
Термин за прикажување останува секоја недела од 19:00 на официјалниот YouTube Канал Sergej Reinvented.