Европската приказна на Шкендија заврши во Турција, откако тетовскиот тим беше поразен со убедливи 4-0 од Самсунспор. По минималниот пораз од 1-0 во Скопје, уште тогаш беше јасно дека мисијата за пресврт ќе биде исклучително тешка, а домаќинот и во реваншот ја потврди улогата на фаворит.

Во првото полувреме Шкендија успеваше да одолее и да ја одржи неизвесноста, но отпорот беше скршен веднаш по паузата. Нтчам беше сигурен од белата точка и го отвори резултатот, носејќи му предност на турскиот состав.

Olivier Ntcham pulls the plug !

🇪🇺 Samsunspor 1-0 Shkëndijapic.twitter.com/z8Jd4OE7Jh

— Goals Xtra (@GoalsXtra) February 26, 2026

Како што одминуваше времето, притисокот на домаќините растеше. Околу дваесет минути пред крајот Ндиаје зголеми на 2-0, додека до крајот Мариус постигна два гола и ги постави конечните 4-0.

Cherif Ndiaye makes it two! Agg: 3-0

🇪🇺 Samsunspor 2-0 Shkëndijapic.twitter.com/2ntk6m84uD

— Goals Xtra (@GoalsXtra) February 26, 2026

Marius Mouandilmadji

🇪🇺 Samsunspor 3-0 Shkëndijapic.twitter.com/KcLFFDCnXN

— Goals Xtra (@GoalsXtra) February 26, 2026

И покрај елиминацијата, Шкендија има причина за задоволство, пласманот до плејоф-фазата за осминафинале претставува значаен успех, кој носи вредни бодови и за клупскиот коефициент, но и за рејтингот на македонскиот фудбал во Европа.

За избраниците на Јетон Беќири сега фокусот целосно се префрла на домашната сцена, каде ги очекува жестока трка за врвот со Вардар и Струга. Европската авантура е затворена, но сезоната далеку од завршена.