Туристи во Шри Ланка засекогаш ќе го запаметат одморот во Шри Ланка откако преживеаја невиден страв при напад од слон кој го уништи нивното возило. Нападот се случил  откако еден од нив се обиде да му „понуди храна“, пренесува Дејли мејл.

Инцидентот, во кој учествуваа руски туристи – вклучувајќи и 11-годишно момче – кои успеаја да избегаат, се случи на сафари за диви животни.

Како што се гледа на видеото, слонот од три тони прво го тресел белото комби со туристите, пред да ја искористи сурлата за да ја „откорне“ вратата во потрага по овошјето што Русите го имале со себе.

An elephant attacked Russian tourists in Sri Lanka

The incident happened in a national park. A family with a child and their friends were driving along the road when they were blocked by a Ceylon elephant weighing about three tons.

Locals warn that such “patrols” are common:… pic.twitter.com/nddnJUcnCb

— NEXTA (@nexta_tv) January 26, 2026

„Речиси ги загубивме животите. Возевме кон слон, див слон. Никогаш нема да го заборавиме ова патување во Шри Ланка. Само неколку минути претходно снимав видео, без ни најмала идеја дека еден сладок момент ќе се претвори во таков хаос. Сега имам уште една фобија да ја додадам во мојата колекција“, рече Лилија Михајловскаја од Казан, која беше на сафари со својот 42-годишен сопруг и синот.

„Беше толку страшно, детето се замрзна. Фала му на Бога, сè помина добро, но сите сме во шок“, додаде руската туристка.