Maнчестер Јунајтед вчера славеше победа во дербито против Тотенхем од 2:0, меѓутоа победата на „Олд Трафорд“ како да остана во сенка на она што го направи Кристијано Роналдо во самиот финиш од натпреварот.

Роналдо сезонава шанса на најголем дел од натпреварите добива од клупата за резерви, а против Тотенхем Тен Хаг не му даде минутажа. Очигледно тоа воопшто не му се допадна на Португалецот кој се до вчера не покажуваше незадоволство од ситуацијата во која се наоѓа. Роналдо натпреварот го напушти во 89. минута, откако претходно во игра влегоа Еланга и Ериксен.

Cristiano Ronaldo has been Super professional this season, Ten Hag has shown nothing but disrespect to him.

Made Ronaldo warmup 2 Times only to bring Elanga on, happened in Liverpool game as well where he brought Martial and Fred before him. pic.twitter.com/XgkUY31lT6

— Sheikh Hammad (@RonaldoW7_) October 19, 2022

Очекувано на прес-конференцијата Тен Хаг доби прашање од новинарите на оваа тема, но Холанѓанецот не сакаше премногу да зборува и даде политички одговор.

„Видов, но не разговаравме за тоа. Утре (денес) ќе разговараме. Сега сакаме да ја прославиме победата, не да зборувам за тоа. Сакам да го задржиме фокусот на одличниот настап на сите 11 играчи и резервите. Денес одигравме одлично тимски и тимски победивме“, изјави Тен Хаг.