ВИДЕО: „Ред Бул“ го промовираше болидот за новата Ф1 сезона!
Четирикратниот Формула 1 шампион во периодот од 2010-2013 година, денеска „Ред Бул“ ги објави првите слики од новиот болид „РБ16Б“ кој ќе го користи во 2021 година.
Макс Ферстапен и годинава ќе биде главна закана за Луис Хамилтон во борбата за титулата, а нов возач е Серхио Перес.
Новиот болид на Ред Бул го носи името „RB16B“ бидејќи тој всушност е модифициран RB16 што овој тим го користеше во 2020 година. Како што вели шефот на тимот, Кристијан Хорнер, „RB16B“ има дури 60 проценти од деловите кои се исти како и неговиот претходник. Целта на Ред Бул е да го направи новиот болид поконстантен во текот на сезоната на различни патеки.
But different ?? #ChargeOn ? pic.twitter.com/GRx2ccICyG
— Red Bull Racing (@redbullracing) February 23, 2021
– Не би рекол дека проблемите минатата година беа само во аеродинамиката. Тие работи секогаш одат заедно. Но, мислам дека постигнавме добар напредок во 2020 година и ќе видиме дали RB16B ќе може да одговори на предизвиците за промена на правилата, кои очигледно се исти за сите тимови – рече Хорнер.
Тој исто така се надева дека со добрите лекции што ги научија минатата година, ќе можеме да го применат тоа на новиот подобрен болид.
⏯ And now for the B-Side ? Meet the RB16B #ChargeOn ? pic.twitter.com/2XrH3G4AP0
— Red Bull Racing (@redbullracing) February 23, 2021