Во 29 коло од најсилното шпанско првенство фудбалерите на Реал Мадрид ја оправдаа фаворитската улога на гостувањето кај Осасуна со резултат 4:2.

Во четвртата минута поведоа „кралевите“ на Винисиус Жуниор, само 180 секунди подоцна израмнија домаќините со голот на Будимир.

Реал повторно беше во позитива од 18 минута со голот на Карвахал по асистенцијата на Валверде.

Дијаз се погрижи за 3:1 во 61 минута, а 180 секунди подоцна Винисиус Жуниор се запиша и по втор пат во листата на стрелците. Во самиот финиш од средбата Осасуна успеа само да го намали поразот преку Муноз (90+1`).

Потоа од „Колисеум“ дојдоа добри вести за играчите на Карло Анчелоти бидејќи Жирона загуби минимално кај Хетафе со 1:0.

А тоа значи дека сега Реал има „плус 10“ бодови предност во однос на второпласираната Жирона и е многу блиску до освојување на титулата во „Ла Лига“.