Реал Мадрид рутински ја одработи задачата и не му дозволи на Бетис да приреди изненадување, славејќи со убедливи 5-1, со што повторно се доближи на четири бода зад лидерот и најголем ривал Барселона.

Тимот на Чаби Алонсо контролираше поголем дел од натпреварот и без поголеми потешкотии дојде до трите бода. Иако Бетис повремено знаеше да се закани и да покаже дека може рамноправно да се надигрува, недостигот од реализација ги остави гостите без вистинска шанса за сензација.

„Кралскиот клуб“ го отвори резултатот во 20. минута преку Гарсија, што воедно беше и единствениот погодок во првото полувреме. Во продолжението, истиот играч повторно беше прецизен во 50. минута, а само шест минути подоцна Асенсио го зголеми водството на 3-0.

Бетис накратко се врати во игра со голот на Кучо Ернандез во 66. минута за 3-1, но секоја надеж брзо згасна. Гарсија повторно стапи на сцена и го комплетираше хет-трикот, а конечниот резултат од 5-1 го постави Фран Гарсија во самата завршница на натпреварот.