Кристијано Роналдо се врати во тимот на Манчестер јунајтед после неколку недели отсуство и веднаш се најде во стартниот состав.

„Црвените ѓаволи“ одиграа реми 1:1 против Рајо Ваљекано во пријателски натпревар на стадионот „Олд Трафорд“.

Целото прво полувреме, кое заврши без голови 0:0, за Рајо го одигра македонскиот репрезентативен голман Столе Димитриевски кој имаше неколку значајни интервенции.

По паузата на стартот од вториот дел нашиот чувар на мрежата беше заменет од Диего Лопез. Само 120 секунди подоцна Јунајтед стекна предност, Лопез за момент одбрани, одбиената топка дојде до Диало кој од непосредна близика стрелаше во мрежата.

Играчите на Ерик тен Хаг не ја задржаа долго позитивата бидејќи шпанскиот претставник израмни 10 минути подоцна преку Алваро Гарсија.