Првото бебе подложено на делумна трансплантација на срце, за кое лекарите се надеваат дека ќе биде поштедено од дополнителни операции на срцето, бидејќи имплантираното ткиво расте заедно со него е исход што досега не бил виден кај луѓето.

Хирурзите испишаа историја во 2022 година кога зашиле срцеви залистоци и садови земени од доенче донор во срцето на примателот на трансплантација Овен Монро, кога тој имал само 18 дена, пишува „Саенс алерт“.

Оваа техника на спасување на срцево ткиво и користење само на живо донорско ткиво за замена на неисправните делови никогаш претходно не била испробана кај луѓето.

Главниот хирург, Џозеф Турек од Универзитетот Дјук, претходно ја направил процедурата само кај пет прасиња.

Сега, повеќе од една година од тогаш, срцето на бебето Овен пораснало од големина на јагода до големина на кајсија, а ткивото на донаторот пораснало со него.

Овеновите импланти на срцево ткиво растат со слична брзина како и ткивото на срцето кај здрави доенчиња. Срцевата функција на Овен е „одлична“ и тој достигнува развојни пресвртници на нормално едногодишно дете, како играње, лазење и стоење, објавија истражувачите во „JAMA“.

„Оваа публикација е доказ дека оваа технологија функционира, оваа идеја функционира и може да се искористи за да им се помогне на другите деца“, вели Турек.

Родителите на Овен – Ник и Тејлер Монро – се согласиле на операцијата откако дознале дека нивното бебе има сериозна срцева мана позната како truncus arteriosus.

Оваа состојба погодува околу 250 бебиња во САД секоја година. Вообичаено, на доенчињата со truncus arteriosus им се дава целосна трансплантација на срце или тие се третираат со користење на замрзнато ткиво од срцата на трупови.

За да се осигураат дека крвта на Овен правилно ќе пумпа околу неговото срце, тој бил подложен на делумна трансплантација на срце, каде што било отстранет дел од неговото срцево ткиво и било вградено ткиво од донорско срце.

Донаторски срца трансплантирани на доенчиња растат заедно со детето, но тие често стануваат дисфункционални со текот на времето. Како резултат на тоа, околу половина од децата на кои им е направена трансплантација на срце ќе умрат до 20-годишна возраст.

За да се спречи отфрлањето на трансплантираните срца од имунолошкиот систем, на примателите им се даваат лекови кои го потиснуваат имунолошкиот систем, што го спречува телото да се бори не само со срцевото ткиво, туку и со ракот и инфекциите.

Од постапката на Овен, 12 деца биле подложени на делумна трансплантација на срце.

Бебето Овен било на списокот за трансплантација на срце, но неговите родители знаеја дека веројатно нема да ги преживее тие шест месеци, што ќе му бидат потребни за да се совпадне со донаторот.

Неколку дена по раѓањето, Овен веќе бил во срцева слабост и неговото срце било премногу слабо за да му се даде итна терапија, како што е бајпасот на срцето и белите дробови наречен ЕКМО (ECMO).

„Откако ни беше кажано за ситуацијата и дека немавме време да чекаме за срце и тој во основа имаше срцева слабост веднаш откако се роди, немаше навистина многу опции“, рече Тејлер Монро.

„Ако нешто се случи, само би го реанимирале и би се надевале на најдоброто, што е навистина тешко и страшно да се слушне.

За среќа, срцето на Овен сега нормално пумпа и „се очекува да трае цел живот“, велат истражувачите.