ВИДЕО | Проф. д-р Пановски: Лудост е превентивното пиење антибиотици, резистенцијата одзема животи

Според сите светски и здравствени статистики главни проблеми во медицината покрај малигните и кардиоваскуларните заболувања е појавата на мултирезистентни бактерии, односно враќање во црниот век. Антибиотската ера од 1945 навака полека згаснува. Бактериите кои живееле 3 милијарди години брзо се адаптираат, изјави во Утрински брифинг проф. Д-р Никола Пановски говорејќи за рационална примена на антибиотици.

-Употребата на антибиотици врши селекција на бактериите. Тие брзо се размножуваат и мутираат и си ја пренесуваат резистенцијата едни на други. Кога ќе почнете наголо да давате антибиотик по пат на Дарвиновата теорија се прави селекција, вели д-р Пановски и додава дека резистенцијата одзема животи во Европа колку што тоа се случува и со сообраќајните несреќи.

-Во Медитеранските земји, како Италија, Грција, Кипар, па и Македонија се препишуваат антибиотици 3 до 4 пати повеќе од скандинавските земји. Врз база на тоа може да кажеме дека кај нас од осум пациенти кои примиле антибиотик само еден требало да прими, вели д-р Пановски кој додаде дека врз база на оваа пракса инфекциите многу потешко се лечат во медитеранските отколку оние во скандинавските земји каде амоксицинот е главен лек.

Целиот разговор со проф. д-р Никола Пановски погледнете го во видеото:

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот