ВИДЕО | Пригожин остро ги нападна руските власти објавувајќи снимка од тела на мртви „Вагнеровци“
Шефот на групата „Вагнер“, Евгениј Пригожин објави видео полно со пцовки во кое, како што пренесува „Си-Ен-Ен“, ги напаѓа руските службеници.
Prigozhin showed fresh losses of Wagner PMC and blamed Shoigu and Gerasimov for them.
He says the ammunition shortage has reached 70% and seems to be on the verge himself. pic.twitter.com/lRiGjApC5n
— Anton Gerashchenko (@Gerashchenko_en) May 5, 2023
Пригожин стои до наводните тела на неговите платеници и го напаѓа Кремљ: „Овие момци овде се борци на Вагнер кои загинаа денес. Крвта е сè уште свежа. Снимајте ги сите!“
„Тоа се нечии татковци и нечии синови. А вие што не ни давате муниција ќе изгорите во пеколот! Седите во вашите луксузни клубови, вашите деца се зависни од правење видеа за YouTube. Мислите дека сте господари на овој живот? Мислите дека можете да располагате со нивните животи? Ако имате магацини полни со муниција, тогаш можете“, вели Пригожин во видеото.
Во видеото тој бара да му биде доставена муниција и ги кани рускиот министер за одбрана Сергеј Шојгу и началникот на Генералштабот на руските вооружени сили Валериј Герасимов да ги погледнат телата.