Поранешната министерка за финансии Нина Ангеловска и нејзиниот сопруг, лекарот Виктор Станков, наскоро ќе станат родители.

Политичарката ја објави среќната вест на својот инстаграм-профил, каде сподели компилациско видео со повеќе моменти од нејзината бременост.

„Наскоро ќе започне нашето ново поглавје“, напиша Ангеловска во описот на своето видео.

Да потсетиме, Ангеловска и Станков стапија во брак минатото лето. Тие го изговорија судбоносното „да“ во Соборниот храм, а свадбената веселба ја одржаа во престижниот хотел „Александар Палас“.

На свадбата беа присутни гости од јавниот и политичкиот живот, меѓу кои и поранешниот премиер Зоран Заев.

Ангеловска стана министер за финансии во 2019 година и e еден од најмладите министри во историјата на македонската политика.

Поранешната министерка Нина Ангеловска во Белград ќе предводи компанија на милијардерот Мишковиќ