Фронтменот на групата „Бостон“, Томи Декарло, почина на 60-годишна возраст по битка со ракот.

Неговото семејство ја објави веста за неговата смрт на социјалните мрежи, откако открија дека се борел со рак на мозокот од септември минатата година.

„Со тешко срце ја споделуваме веста за смртта на нашиот татко, Томи Декарло, во понеделникот, 9 март 2026 година. Откако минатиот септември му беше дијагностициран рак на мозокот, тој се бореше со неверојатна сила и храброст сè до самиот крај. Во ова тешко време, љубезно ги молиме пријателите и обожавателите да ја почитуваат приватноста на нашето семејство додека тагуваме и се поддржуваме едни со други“, се вели во соопштението што го споделија сопругата на Декарло, Ени, и нивните две деца, Талија и Томи помладиот.

Декарло се приклучил на „Бостон“, познат по хитовите како „More Than A Feeling“ и „Amanda“, во 2007 година, откако оригиналниот вокал на групата, Бред Делп, извршил самоубиство.

Декарло пеел на шестиот албум на бендот, „Love, Life And Hope“, кој бил издаден во 2013 година, а со бендот бил на турнеи речиси 20 години.

Тој, исто така, го основал сопствениот бенд наречен „Декарло“ во 2012 година, со кој издал два албума: „Lightning Strikes Twice“ и „Dancing In The Moonlight“ во 2020 и 2022 година.

Степенот на здравствените проблеми на Томи Декарло бил откриен минатиот септември кога тој доживеал крвавење во мозокот, а лекарите открија рак во текот на итната краниотомија.

Според страницата GoFundMe што неговото семејство ја отворило во тоа време пишува: „Во текот на операцијата, лекарите откриле две маси на неговиот мозок и уште едно дамка на белите дробови. Тој нè воодушеви со закрепнувањето од операцијата и почетокот на лекувањето, но пред да успее да ја заврши, доживеа уште едно крвавење во мозокот и беше хоспитализиран од 27 ноември до 27 декември. Оттогаш го заврши акутното болничко лекување и во моментот е повторно на вистинскиот пат со третманите својот онколошки тим.“