Огромен облак од портокалова прашина од вчера го прекри Багдад, а песочната бура предизвика проблеми за локалните жители – десетици луѓе побарале помош во болница поради проблеми со дишењето.

Намалената видливост ги запре и сите авионски летови од и до ирачката престолнина.

Снимките од улиците на Багдад покажуваат надреална слика – целиот град е обвиен во портокалова боја.

Бурата предизвикала проблеми и во други делови од земјата. Болниците во Наџаф примиле 63 лица кои имале респираторни проблеми.

Во провинцијата Анбар, на западот на земјата, уште 30 лица се јавиле во болниците, пренесува „Гардијан“.

Експертите велат дека пустинските бури би можеле да зачестат поради сушата и намалените врнежи.