Кошаркарите на Партизан вечерва беа поразени од Олимпијакос со резултат 69:74 во натпреварот од 32 коло на Евролигата, иако во последната четвртина влегоа со предност од дури 13 поени.

Партизан сега има скор 14-18 и е сè подалеку од пласман во плеј-ин, додека Олимпијакос има скор 20-12. Натпреварот започна со едноминутно молчење за жртвите од терористичкиот напад во Москва во кој во петокот животот го загубија најмалку 143 лица.

И без Зеко Ледеј, домашните подобро го отворија натпреварот и водеа со 22:17 по првото полувреме. Партизан првото полувреме го заврши со серија од 8:2 за 40:32 по 20 минути игра. Првата двоцифрена предност Партизан ја имаше во 24 минута (46:36), а во последните 10 минути резултатот беше 59:46.

Гостите комплетно се вратија во мечот со серија 12:0 на почетокот на последната четвртина, Партизан повеќе од три минути беше без кош. Олимпијакос водеше со 64:61 на четири минути до крајот, а во последните 105 секунди гостите поведоа со 68:65, по што Партизан не успеа да се врати.

Најефикасен во составот на Партизан беше капитенот Кевин Пантер со 19 поени, а Најџел Вилијамс-Гос го предводеше Олимпијакос до победата со 17 поени.

Евролига, 32 коло

Четврток, резултати:

Жалгирис Каунас – Олимпиа Милано 87:73
Баскониа – Анадолу Ефес 76:97
Баерн – Барселона 79:87
Партизан – Олимпијакос 69:74
Лион Вилербан – Монако 77:87

Табела: Реал Мадрид 25-6, Барселона 21-11, Монако 21-11, Панатинаикос 20-11, Олимпијакос 20-12, Фенербахче 19-12, Макаби Тел Авив 19-13, Виртус Болоња 17-14, Баскониа 16-16, Анадолу Ефес 15-17…