Чарлс Оливеира е новиот УФЦ шампион во лесна категорија, откако тронот остана испазнет по пензионирањето на непоразениот Хабиб Нурмагомедов. Оливеира го наследи Хабиб по победата со технички нокаут над Мајкл Чендлер на УФЦ 262 приредбата која се одржа во Хјустон.

Бразилецот славеше со технички нокаут во втората рунда иако во првата беше на прагот на пораз.

Во првата рунда, Чендлер зададе неколку удари со кои малку фалеше да го нокаутира Оливеира, но тоа не се случи и во наредната рунда тој беше нокаутиран.

Така Оливеира стана 11 шампион во лесна категорија во историјата на УФЦ, а моментно се наоѓа во серија од девет победи по ред.

Поранешниот привремен шампион Тони Фергусон загуби со едногласна одлука на судиите и може да се прости од борба за титулата. Сите тројца судии бодуваа 30:27 за Бенеил Дариуш кој дојде до седмата победа по ред и се наметна како иден предизвикувач на Чарлс Оливеира.

Make that 7️⃣ in a row!

💢 @BeneilDariush with a dominant performance at #UFC262. pic.twitter.com/npblAuVyX9

— UFC (@ufc) May 16, 2021

Во бантам категоријата Рожерио Бонторин со едногласна одлука на судиите го победи Мет Шнел, додека во единствената борба на дамите во главната вечер, Кејтлин Чокагиен беше подобра од Вивиана Араухо.