Кошаркарите на Оклахома се пласираа во финалето на Западната конференција во НБА лигата откако ги победија Лос Анџелес Лејкерс со 115:110 во четвртиот натпревар од полуфиналната плејоф серија (4:0).

Актуелниот шампион беше предводен од Шеј Гилџес-Александер со 35 поени и осум асистенции, додека Ајдај Мичел додаде 28 поени, од кои 10 во неизвесната последна четвртина.

Чет Холмгрен, кој заврши со 16 поени, на 32,8 секунди до крајот на мечот со забивање донесе предност на својот тим, што беше клучно за крајниот епилог.

Леброн Џејмс кој постигна 24 поени и имаше 12 скока во последниот натпревар од неговата 23 НБА сезона, промаши шут кој ќе им донесеше водство на Лејкерс на 20 секунди до крајот.

По тоа промашување на Џејмс, Оклахома беше сигурна од линијата за слободни фрлања, додека Остин Ривс (27 поени) не реализираше тројка.

Оклахома ќе игра против Сан Антонио или против Минесота во финалето на Западот, каде моментно е 2:2 во серијата.