„Јас сега, колку што се сеќавам, во изминатиот период во Владата претседателот имаше средби со наши иселеници коишто се враќаат. И на Запад состојбите веќе не се такви какви што беа“ рече денеска министерката за финансии, Гордана Димитриеска-Кочоска, по состанокот на Комитетот за јавни инвестиции, како што пренесе „Телма“.

Министерката наведе дека „големи европски земји ќе банкротираат“ во следните 10 до 15 години, а изнесувајќи ги овие смели тези, најде простор и за пофалба на владата, споменувајќи ги оценките од ММФ и Светската банка за состојбите во македонската економија.

„На Запад веќе состојбите не се такви какви што беа. Прогнозите на меѓународните финансиски институции се дека се очекува големи европски земји да банкротираат и тоа значи дека нашите луѓе кои што се во Европа гледаат каква е состојбата што не можеме да кажеме за нас, напротив – ние сме поздравени и од страна на ММФ и од страна на Светска банка“, рече Димитриеска Кочоска.

И Јаневска сподели интересни чувства — иселениците почнале да се враќаат по заслуга на Владата