На денешен ден е роден македонскиот диригент, композитор и великан на современата македонска музика – маестро Александар Џамбазов. Тој нè напушти минатата година, на 25 јануари, на 85-годишна возраст.

Творечкиот опус на нашиот драг маестро беше многу богат. Тој беше автор на голем број детски песни, иницијатор и долгогодишен диригент на детскиот фестивал „Златно славејче“ во Скопје.

Во својата долгогодишна кариера, тој создаваше сценска и филмска музика, но создаде и повеќе дела од класичната музика, меѓу кои и „Рапсодија за Скопје“ за пијано и оркестар (1966), „Седум танцови варијации“ за пијано и оркестар (1977) и др. Ценетиот композитор напиша и повеќе хорски композиции, како и голем број популарни мелодии.

Александар Џамбазов беше добитник на повеќе од 40 награди и признанија во Македонија и Југославија, меѓу кои и државната награда „11 Октомври“ и наградата на Град Скопје „13 Ноември”.

Тој беше во брак со познатата македонска актерка Анче Џамбазова, со која ги добија синот Игор Џамбазов и ќерката Тања Џамбазова.

Во негова чест, син му Игор го испеа шлагерот „Сакам да сум јас детелинка“, кој Мони Ковачиќ го изведе на Скопскиот фестивал во 1978 година. Музиката и аранжманот се дело на маестро Џамбазов, а текстот го напиша Ѓоко Георгиев.

„Денес му е родениот ден на маестро Џамбаз. Во таа чест, еден негов евергрин. Вие да сте живи и здрави“, напиша Игор во описот на објавата на Инстаграм.

 

View this post on Instagram

 

A post shared by Игор Џамбазов (@igordzambazov)

Повеќе на темата:

Љубовната приказна на Александар и Анче Џамбазови: Раскошни љубов и талент кои се паметат

Игор Џамбазов со емотивна објава за татко му: Помина една цела година за миг

Игор Џамбазов: Сите сакаат да се над сите, секој сака да е над секого