Без тестенини: Рецепт за вкусна и сочна лазања од тиквички
Овој прекрасен рецепт за лазањи од тиквички е одлична опција доколку не сакате да користите брашно или тестенини при подготовката. Тиквичките се единственото нешто што ќе ги одвојува вкусните слоеви болоњезе и сирењето.
Подготовката е иста како подготовката на класичните лазањи, единствено е што ќе треба да ги исечете и кратко да ги испржите тиквичките. Ако ги посолите кога ќе се исечат и ги оставите да ослободат вишок течност и ги исцедите, нема страв дека ќе задржат премногу течност и ќе бидат благи.
Ќе ви треба околу час и половина за да ги подготвите лазањите од тиквички, но рерната ќе ја заврши половина од работата за тоа време. Количината на состојки во рецептот е доволна за 12 порции.
Состојки:
– 4-5 средни до големи тиквички, исечени по должина на тенки парчиња
– 2 лажици маслиново масло, поделени
– 3 и пол лажички сол, поделени
– 1 лажичка свежо мелен црн пипер
– 680 г мелено говедско месо
– 1 голем сечкан кромид
– 3 чешниња мелен лук
– 700 мл сос од домати
– 1/2 китка сечкан магдонос
– 1 лажичка сечкан босилек
– 460 г рендано сирење моцарела
– 425 г рикота сирење
– 90 г пармезан, изрендан
– 1 големо јајце
Подготовка:
Тиквичките исечкајте ги на тенки кришки по должина, посипете ги со две лажички сол и оставете ги да ја испуштат течноста. Исцедете ги.
Загрејте тава на силен оган.Тиквичките од двете страни премачкајте ги со маслиново масло и зачинете со 1/2 лажичка бибер. Печете од секоја страна додека не омекнат и не почнат да се лепат за тавата.
Загрејте ја рерната на 190 степени.
Загрејте 1 лажица маслиново масло во длабоко тенџере на средна температура и додадете го меленото говедско месо. Месото динстајте го околу 5 минути. Исцедете ја маснотијата освен 2 лажици.
Додадете го сечканиот кромид и пржете уште 5 минути, а потоа додадете го лукот и пржете уште една минута. Истурете го сосот од домати и половина од босилекот и магдоносот. Зачинете со 1 лажичка сол и половина лажичка бибер. Оставете да зоврие, а потоа покријте и варете 10 минути, повремено мешајќи. Додадете дополнителен зачин по вкус, па тргнете го од оган и оставете го на страна.
Во сад измешајте четвртина од моцарелата, рикота сирењето, пармезанот, 1 јајце, остатокот од босилекот и магдоносот и 1/2 лажичка сол. Добро измешајте.
Нанесете околу половина шолја од филот за месо на дното на сад за печење или плех од 23×33 сантиметри. Покријте со слој тиквички, истурете третина од филот со месо, посипете четвртина од моцарелата и покријте со филот со сирење.
Повторете во три кори – тиквички, фил од месо, моцарела и фил со сирење.
Во лазањите ставете десетина чепкалки, покријте ги со алуминиумска фолија и печете 40 до 45 минути. Отстранете ја фолијата и печете ги лазањите уште 3-4 минути.
Извадете го од рерна и оставете да отстои 15 минути, а потоа исечете и послужете.
Добар апетит!