Данијела Димитровска стапи во брак со шест години помладиот фудбалер Јеврем Косниќ! Манекенката објави кратко видео со моменти од нивната црковна венчавка, која се случила во друштво на најблиските.

„Моето засекогаш ‘да’. 27 јануари 2026. Тивко, во мал круг. Наскоро ќе славиме сите заедно“, напиша Димитровска, која на денешната прослава носела прекрасна бела креација, а нејзиниот избраник се одлучил за не толку формална комбинација од црн костум и бела кошула.

Инаку, Косниќ ја запроси неговата поубава половина во мај минатата година, а Димитровска ја објави среќната вест со фотографија на која го покажа вереничкиот прстен.

„Да! Некои работи не ги планираш, туку само се случуваат. Тивко, силно, засекогаш. Благодарна сум, среќна, мирна. Затоа што кога ќе го пронајдеш она вистинското, знаеш дека си дома“, напиша тогаш манекенката.

Оваа двојка, која според многумина е една од најубавите на српската сцена, е во романтична врска од 2023 година.

Да потсетиме, Данијела Димитровска беше во брак со Огњен Амиџиќ од 2012 до 2022 година. Тие имаат едно заедничко дете, синот Матеј.

ФОТО | „Само ние двајца“: Данијела Димитровска во прегратките на младиот фудбалер, љубовта им цвета како никогаш досега!