Пари Сен Жермен вечерва претрпе пораз од Клермон во последниот натпревар на Лионел Меси во дресот на ПСЖ (2:3).

Пред почетокот на натпреварот Меси доби свирежи од навивачите на „Парко на принцовите“ кои не се задоволни од она што Аргентинецот го прикажа во изминатите две години.

🇦🇷😳 SILBIDOS para Leo Messi en el Parque De Los principies.

Nunca estarán a la altura del más grande. pic.twitter.com/GewBhfZtU4

— Juego Ofensivo (@JuegoOfensivo) June 3, 2023

Водеше ПСЖ со 2:0 по само 20-тина минути игра со головите на Рамос и Мбапе и од пенал. Покрај Меси ова беше последен натпревар и за шпанскиот дефанзивец кој така со гол се прости од Париз.

Клермон до намалување на 2:1 стигна во 24-тата минута, за пред крајот на првото полувреме Зефене да изедначи на 2:2.

Се играше 63-тата минута Кјеи погоди и ги постави конечните 2:3. ПСЖ и покрај поразот ја прослави шампионската титула во Лига 1, а во новата сезона многу веројатно ќе влезат и со нов тренер, како и со дополнителни промени во играчкиот кадар.