ВИДЕО: Меси и Суарез го спасија Интер Мајами од пораз во Конкакаф купот
Фудбалерите на Интер од Мајами одиграа 2:2 против Нешвил на гостински терен, во првиот натпревар од осминафиналето во Конкакаф купот.
Станува збор за клупско натпреварување на клубовите од Северна и Централа Америка и Карибите.
Лионел Меси и неговите соиграчи мораа да се враќаат од два гола негатива, но на крајот успеаја да го избегнат поразот.
Двата гола за составот на Нешвил ги реализираше Џејков Шафелбург во четвртата и 47 минута.
Брзо возврати Интер, а убав гол во 52 минута постигна Меси од работ на шеснаесетникот.
Реми на Интер, пред реваншот во Мајами, донесе Луис Суарез кој погоди во петтата минута од судиското надополнување, по асистенцијата на Серхио Бускетс.