ВИДЕО | Мексико: Златен ковчег, камиони полни со цвеќе и оклопни возила на погребот на Ел Менчо
Озлогласениот мексикански наркобос Немесио Осегера Сервантес, познат како Ел Менчо, водач на картелот „Нова генерација Халиско“ (CJNG), вчера е погребан на церемонија во која беа вклучени камиони полни со цвеќе и десетици маскирани војници во оклопни возила кои ја придружуваа погребната поворка и ја надгледуваа со рацете на чкрапалото, пренесува АФП.
Препорачано
Ел Менчо беше убиен на 22 февруари во операција на мексиканските специјални сили, а неговата смрт предизвика хаос во земјата, претворајќи го Мексико во „воена зона“.
Notorious Mexican drug lord Nemesio Oseguera was laid to rest Monday in a ceremony that featured trucks overflowing with flowers and dozens of masked soldiers in armored vehicleshttps://t.co/1EAHvTGatf pic.twitter.com/IbT40uz8ju
— AFP News Agency (@AFP) March 3, 2026
Мексиканскиот наркобарон беше погребан во златен ковчег, со камиони полни со огромни венци од цвеќе и големо воено присуство.
Погребот се одржа во Запопан, предградие на Гвадалахара, вториот по големина град во Мексико.
Десетици луѓе ја придружуваа погребната поворка, многумина држејќи црни чадори на сончевиот ден, а мал оркестар свиреше мексиканска локална музика.
На изненадување на сите, и најмладата ќерка на Сервантес, Лиза Мишел, присуствуваше на погребот, и покрај фактот дека е обвинета за исчезнувањето и киднапирањето на двајца морнари во 2021 година.
🚨 La hija de El Mencho 😰🔍 reaparece en funeral de su padre ⚰️
👱🏻♀️ La hija menor de Nemesio Oseguera Cervantes ⚰️, Laisha Michelle Oseguera González, sorprendió a todos al aparecer en el funeral del líder del CJNG en Guadalajara 📍, pese a estar acusada por la desaparición y… pic.twitter.com/DnzwB6MXCP
— SDP Noticias (@sdpnoticias) March 2, 2026
Официјално, Канцеларијата на државниот обвинител одби да ја потврди локацијата на погребот на Ел Менчо од „безбедносни причини“.
ВИДЕО | Хаос во Мексико по убиството на наркобосот Ел Менчо, Американците во опасност
