Фудбалерите на Реал Мадрид денеска на домашен терен го совладаа Леванте со 2:0, во натпреварот од 20 коло на Ла Лига.

Реал Мадрид поведе со гол од пенал на Килијан Мбапе во 58 минута, а конечниот резултат го постави Раул Асенсио со гол во 65 минута.

Реал Мадрид е втор на табелата со 48 бода, со еден бод помалку и еден натпревар повеќе од првопласираната Барселона. Каталонскиот гигант својот меч од ова коло ќе го има в недела од 21.00 часот кај Реал Сосиедад.

Екипата на Леванте го зазема претпоследното 19 место со 14 бода. Реал Мадрид ќе игра на гости против Виљареал во следното коло од шпанското првенство, додека Леванте ќе го пречека Елче во Валенсија.

Се одигра уште еден меч, Мајорка пред своите навивачи со 3:2 триумфираше против составот на Атлетик Билбао.