Полицијата во канадскиот главен град Отава уапси неколку луѓе откако маршот на стотици моторџии, пешаци и автомобили што вееја канадски знамиња низ центарот на градот стана насилен, соопштија властите.

Вчерашната парада беше протест против наводното пречекорување на владата и дојде помалку од три месеци откако протестите на камионџиите го парализираа главниот град повеќе од три недели.

Полицијата во Отава во петокот објави на Твитер дека неколку лица се уапсени и дека полицајците останале на местото на настанот за да ја зачуваат безбедноста.

Canada ?? Ottawa, FREEDOM PROTEST. Bikers starting to arrive. Thousands more expected tomorrow.
Protesters shout “police have just attacked a woman “ pic.twitter.com/Nc6LuMLqdG

— Jimmy?54 (@Cawthorn12James) April 30, 2022

Организаторите на петочниот конвој, кој го нарекуваат „Rolling Thunder Ottawa“, велат дека се таму за поддршка на „слободата“ и воените ветерани. Локалните медиуми велат дека неколку од учесниците биле во Отава за време на претходниот протест, кој беше против мандатот за вакцини за прекуграничните камионџии.

Демонстрантите извикувајќи „слобода“ маршираа низ центарот на Отава додека полицијата распореди дополнителни полицајци за да ја стави ситуацијата под контрола.

Полицијата во Отава, која беше предмет на критики за справувањето со протестите во февруари, рече дека нема да дозволи моторни возила да застанат или паркираат на улиците во центарот на градот. Тие донесоа дополнителен персонал за да ги зајакнат општинските власти пред петочниот марш.