ВИДЕО | Луда завршница во НБА: Мајами победи со кош на 0.4 секунди до крајот
Екипата на Мајами хит изминатата вечер стигна до победа над Кливленд кавалирс со 140-138, во натпревар кој имаше неверојатна завршница.
Препорачано
Натпреварот понуди и тоа како квалитетна кошарка од самиот почеток, но вистинската драма се случи во последните секунди. Кливленд израмни на 138-138 преку Донован Мичел, кој погоди тројка само 0,4 секунди пред крајот, оставајќи впечаток дека ќе следи продолжение.
Тренерот на Мајами, Ерик Сполстра, нацрта последна акција за победа. По тајм-аутот, Никола Јовиќ од аут ја фрли топката за цепелин, а Ендрју Вигинс без проблеми поентираше за триумф на својот тим.
Најефикасен кај домаќините беше Норман Пауел со 33 поени, додека Вигинс додаде 23 поени. Солиден беше и настапот на Келел Вер, кој заврши со дабл-дабл од 14 поени и 20 скокови. На спротивната страна најдобар беше Мичел со 25 поени, 15 скокови и 8 асистенции, но неговиот блескав настап не беше доволен за победа.
Преземено од: Спорт.ком.мк
ВИДЕО: Дончиќ не запира, го водеше Лејкерс до нова победа – изведе и спектакуларно забивање
