Тимот на Ливерпул е последниот патник во полуфиналето откако вечерва избраниците на Јирген Клоп со убедливи 5:1 го совладаа Вест Хем во четвртфиналето.

Ливерпул го наметна своето темпо и од самиот старт се играше пред голот на Ареола. Резултатот беше отворен по една индивидуална мајсторија. Собослаи од далечина одлично шутираше и ја погоди мрежата за 1:0.

Тој гол беше и единствениот во првите 45 минути, а во вториот дел тимот на Мојс целосно се распадна.

Во 56. минута Џонс го матираше Ареола од мртов агол за 2:0, Коди Гакпо се погрижи во 71. минута за 3:0, а Боувен седум минути подоцна намали на 3:1. До крајот Салах се запиша во листата на стрелци и уште еден гол постигна Џонс за конечните 5:1.

Пред Ливерпул свеото место во полуфиналето го обезбедија Челси, Миделсброу и Фулам.

ВИДЕО: Челси, Фулам и Мидлсбро во полуфиналето во англискиот Лига куп