Голема природна катастрофа се случи вчера во северозападна Колумбија откако дел од планина се откина по обилните дождови и се свлече врз еден пат, предизвикувајќи смрт на најмалку 18 лица, додека други 30 се повредени. До лизгање на земјиштето во близина на градот Кармен де Атрато.

Локалните спасувачи очекуваат бројот на загинати и повредени да се зголеми.
Несреќата се случила околу 16 часот по локално време, додека возила чекале на фрекфентен пат што ги поврзува градовите Меделин и Квибдо, јавуваат колумбиските медиуми.

Tragic landslide on Medellín-Quibdó Road, Chocó, Colombia: 18 dead, 35 injured. Heavy rain caused mountain collapse, trapping victims in their cars. Prayers for those affected. pic.twitter.com/2huNfHeZnT

— shining world (@shiningworld8) January 13, 2024

Луѓето останаа заробени во своите автомобили под лавината од кал и камења што се урнаа врз нив.

Снимка од драматичниот момент, објавена на социјалните мрежи, покажува дека лицата во возилата немале шанса да избегаат.
Колумбискиот претседател Густаво Петро изјави дека владата ќе ја обезбеди сета неопходна поддршка, опишувајќи го настанот на социјалните мрежи како „страшна трагедија“.

Хаиме Херера, градоначалникот на Кармен де Атрата, изјави за локалната телевизија дека се верува дека некои луѓе сè уште се заробени под одронот.

Надлежните најавија дека ќе почнат операција за потрага по исчезнатите.

Министерството за одбрана известува за големи врнежи од дожд во областа, што ги отежнува спасувачките операции.