Фудбалерите на Лајпциг во саботата беа подобри од Ајнтрахт Франкфурт со 3:1 на гостински терен, во натпревар од 30 коло од Бундеслигата.

Гостите поведоа во 27 минута преку Јан Диоманде, но седум минути подоцна Ајнтрахт израмни со голот на Уго Ларсон.

Победата на Лајпциг му ја донесоа Антонио Нуса во 70 минута и Конрад Хардер во 81 минута од натпреварот.

Ова е четврти триумф по ред за Лајпциг, кој е на третото место во Бундеслигата со 59 бода и ги одржува шансите за учество во Лигата на шампионите следната сезона. Ајнтрахт Франкфурт е на седмото место со 42 бода.

Во другите денешни мечеви: Баер Леверкузен – Аугсбург 1:2, Хофенхајм – Борусија Дортмунд 2:1, Унион Берлин – Волфсбург 1:2 и Вердер Бремен – Хамбургер СВ 3:1.