Фудбалерите на Тотенхем забележаа нова победа во Премиер лигата во рамките од 17 коло на гостински терен против Нотингем со 2:0.

Непосредно пред крајот на првото полувреме гостинот дојде до предност со голот на Ришарлисон (45+2`).

Во 58 минута домаќините успеаја да постигнат гол преку Еланга, но истиот беше поништен поради офсајд по ВАР снимката.

Во 65 минута асистентот на првиот погодок Швеѓанецот со македонско потекло Кулушевски од непосредна близина го постави конечниот епилог.

Иако од 70 минута Тотенхем играше со фудбалер помалку поради црвениот картон на Бисума, успеаја до крајот да ја задржат позитивата.

Тотенхем моментно е петтопласиран со 33 бодови, колку што има и четвртопласираниот Манчестер сити, со напомена дека „граѓаните“ имаат меч помалку. Нотингем после деветтиот пораз сезонава се наоѓа на 16 место со 14 бодови.