„Дедо ми ме бара“, вели 19-годишната Каи Трамп во видеото објавено во петокот на нејзиниот Јутјуб-канал, каде што го документираше нејзиното матурирање. Каи се јавува на телефон додека фризерот ѝ ја средува косата, а во заднина може да се слушне како му вели: „Добро, те сакам. Чао“.

Тинејџерката потоа со одушевување му се обраќа на својот фризер:

„Толку е слатко. Не е ли премногу слатко што ми се јавува кога и да посака?“

Во видеото, Каи открива и дека претседателот во нејзиниот телефон е зачуван едноставно како „Дедо“.

„Тој навистина е само обичен дедо, се колнам. Буквално се враќа од Кина во моментов и ми се јавува. Знам, премногу, премногу слатко“, вели таа.

Каи, ќерка на Доналд Трамп помладиот и Ванеса Трамп, го прослави матурирањето во училиштето „Бенџамин“ во Палм Бич Гарденс со семејна вечера во петокот навечер.

 

View this post on Instagram

 

A post shared by Kai Trump (@kaitrumpgolfer)

На прославата во ресторанот „Блекберд“ присуствувале и свршеницата на Доналд Трамп помладиот, Бетина Андерсон, како и ќерката на претседателот Трамп, Тифани, со нејзиниот сопруг Мајкл Булос.

Младата жителка на Флорида од есен ќе ги започне студиите на Универзитетот во Мајами, каде што планира да игра голф за женскиот колеџ-тим.

 

View this post on Instagram

 

A post shared by Kai Trump (@kaitrumpgolfer)

И покрај телефонскиот повик од својот дедо, тој сепак не успеал да отпатува за Флорида за овој посебен ден.

Претседателот Трамп, исто така, ја пропуштил венчавката на Доналд Трамп помладиот со Андерсон, која се одржала истиот викенд.

„Иако многу сакав да бидам со мојот син Доналд Трамп помладиот и со неговата сопруга Бетина, околностите поврзани со работните обврски не ми дозволија да присуствувам“, напишал претседателот на „Truth Social“.