ВИДЕО: Јута го урна НБА рекордот во тројки, Лејкерси прокоцкаа „+17“!
Лидерот во Западната конференција Јута ја забележа 25 победа доцна синоќа во НБА лигата откако со конечен резултат 132:110 го совлада Шарлот.
Мичел ги водеше „џезерите“ на патот кон нов триумф со 23 поени (осум асистенции), разположени беа и неговите тимски колеги Инглс и Нианг со по 21 поен, а истиот учинок на спротивната страна за Хорнетси го имаа уште Хејворд и Бол (седум скока).
Интересен е податокот кој вели дека Јута на овој меч стана најбрзата екипа која реализираше 500 тројки во една сезона, а затоа им беа потребни само 31 натпревар и така поставија нов рекорд.
Доста интересно беше во „Стејплс“ центарот, иако во третата четвртина Лејкерси имаа највисоки „+17“ (70:53) предност на дуелот против Вашингтон, на крајот изненадувачки истата беше анулирана, а во продолженијата Визардси славеа со 124:127.
Најрасположени во победничките редови беа Бил со 33 поени (седум скока, шест асистенции) и Вестбрук со 32 поени (14 скока, девет асистенции)..
За тимот од Лос Анџелес доминираше Џејмс со 31 поен (девет скока, 13 асистенции), следен од Харел со 26 поени (девет скока).
НБА, резултати –
Хјустон – Чикаго 100:120
Далас – Мемфис 102:92
Оклахома – Мајами 94:108
Феникс – Портланд 132:100
Јута – Шарлот 132:110
ЛА Лејкерс – Вашингтон 124:127 (после продолженијата)