Шестмина загинати и четворица повредени е билансот од големиот пожар во кој утрово изгоре складиште и работнилница за производство на парфеми во покраината Коџаели, во северозападна Турција, пренесе „Би-би-си“.

Причината за пожарот сè уште е нејасна. Турскиот претседател Реџеп Таип Ердоган им изрази „најдлабоко сочувство на семејствата“ и рече дека владиното министерство за труд започнало истрага. Дел од турските медиуми објавија дека сопственикот на компанијата се обидел да избега, но бил фатен.

„Имаше експлозија“, изјави сведок за новинската агенција Сабах. „Станав, погледнав надолу; човекот гореше… Го изгаснав пожарот, а потоа слушнав викање. Кога погледнав кон звукот, деца и жени врескаа во фабриката“.

Министерот за правда Јилмаз Тунч рече дека е покрената судска истрага и дека тројца се приведени.