Пејачката Ивона Јо кажа „ДА“ на своето момче Кико, кого јавноста имаше можност да го запознае неодамна. По празниците, на изненадување на сите, таа го сподели овој среќен момент на Инстаграм, откривајќи дека љубовта ја однела чекор понатаму.

Во видеото што го објави, Ивона гордо го покажа свршеничкиот прстен, додека Кико ја држеше за рака. Тие танцува и се гушкаа, а секој поглед и допир зборуваше за длабоката поврзаност меѓу нив.

„Најлесното ДА“, напиша таа покрај видеото.

Честитките пристигнаа од пријателите, колегите од естрадата, па дури и следбениците кои не можеа да ја сокријат радоста. Сите ги опсипаа со топли зборови и желби за долга и среќна заедничка иднина.

Со овој чекор, Ивона Јо покажа дека љубовта понекогаш доаѓа ненадејно и дека една искрена одлука може да го промени целиот живот.