Ако за некој училиштетео е задоволство тоа може да го кажат учениците од второ одделение од ОУ,,Владо Тасевски“ од Скопје. Нивната учителка Наташа Костовска прави магија на часовите. Наместо класично предавање во училница, тие учат во природа. Гледаат живи животни наместо на фотографии, се возат со градски автобус низ Скопје, планинарат, ги гледаат боите на есента во Кожле.

Костовска раскажува дека неодамна биле на ранч каде одблизу се запознале со домашните животни, но и со тоа како треба да ги чуваат.

-Во учебниците понекогаш има терминологија што тие не ја разбираат, не е соодветна за нивната возраст, па тешко е да им се објаснат некои работи, тие се сè уште многу мали. Затоа најдобро е да учат преку набљудување. Децата беа да ги видат пејзажите на есента во с. Кожле, а научија и како треба да се однесуваат доколку го користат јавниот градски превоз- вели Костовска.

Наставната единица за тоа што е медиум учениците од овој клас ја поминаа со помош на „Слободен печат“. Нашата екипа беше на час кај нив и така имавме прилика да поминеме убави мигови со децата кои научија што е весник, телевизија и портал, како и тоа што значи да се биде медиумски работник.

Костовска вели дека децата многу се радуваат на часовите на отворено и со нетрпение го очекуват следниот пат.

Целото интервју на нашата колешка Александра Вуксановиќ погледнете го тука: