ВИДЕО | Хари Стајлс погоден во око за време на настап во Виена: Уште една жртва на бизарниот тренд
Пејачот Хари Стајлс е последната жртва на опасниот тренд во кој артистите ги погодуваат случајни предмети додека настапуваат на сцената. Тој беше погоден со предмет во лицето додека настапуваше во Виена на 8 јули, пишува „Билборд“.
На видеото споделено на интернет од концертот на стадионот Ернст Хапел се гледа како поп-ѕвездата оди по сцената, пред некој предмет да одлета и да го удри во близина на окото.
Откако бил погоден од предметот, може да се види како Хари прави болни гримаси и се наведнува, држејќи го лицето со рацете.
Harry Styles gets hit in the eye by an object thrown at him during his concert in Vienna. pic.twitter.com/mD9kzFoQvG
— Pop Crave (@PopCrave) July 9, 2023
Миријам, обожавателка од Германија која била на шоуто во Виена, изјавила дека пејачот бил погоден откако ја испеал „Sign Of The Times“, првата песна на бис.
„Сè уште често го допираше неговото лице. Изгледаше дека има многу болки. Изгледа како да мораше да се собере, а потоа се врати кај публиката и продолжи со настапот“, рекла таа.
Имено, во последно време многу музички ѕвезди имаа непријатни ситуации за време на нивните настапи. Пејачката Бебе Реџа минатиот месец ја погодија со мобилен телефон во окото за време на нејзиниот концерт во Њујорк, каде се здоби со повреди на главата. Претходно за време на настап беше погодена и американската кантри пејачка Келси Балерини.
Потоа следеше напад на пејачката Ава Макс, на која на настап во Лос Анџелес непознат маж ѝ удри шлаканица, а пред неколку дена имаше обид да го погодат и раперот Дрејк со мобилен телефон во Чикаго.