Општински ѓубреџија во Охајо во САД останал шокиран кога пронашол човек како се крие во корпа за отпадоци, додека си ја вршел работата. Набрзо се покажало дека станува збор за осомничен кој бегал од полицијата откако не застанал на нивниот сигнал за време на сообраќајна контрола, објави „Еуроњуз“.

Видео снимено од полициско возило покажува како ѓубреџијата доаѓа да го собира отпадот, а таму внатре – човек.

Ѓубреџијата им дава знак на полицајците, а човекот скока од корпата и почнува да бега.

Полицајците веднаш тргнаа во потера, а осомничениот ги изгубил чевлите додека бегал.

„Осомничениот се појави на вистинско место во вистинско време. Благодарение на импресивните атлетски способности и брзата реакција на нашиот полицаец Перез, осомничениот е безбедно уапсен“, стои во соопштението на полицијата.