Екипата на Аталанта вечерва го совлада Баер Леверкузен со 3:0 и ја освои Лигата на Европа. Вечер од соништата имаше Адемола Лукман кој трипати ја тресеше мрежата на германскиот тим.

Беше непобедлив Леверкузен се до вечерва во Даблин каде што Аталанта комплетно го надигра и заслужено го освои трофејот.

Аталанта по неполн половина час веќе имаше 2:0, Лукман погоди прво во 12. минута, па потоа и во 26. Се обидуваа избраниците на Алонсо да го возвратат ударот во вториот дел, меѓутоа не успеаа.

Хет-трикот Лукман го комплетираше на 15-тина минути до крајот кога на одличен начин ја погоди мрежата. За Баер кој претходно ја освои Бундеслигата ова беше прв пораз во сезоната и тој дојде токму во европското финале. Ќе потсетиме, Баер има шанса за трофеј и во Купот на Германија каде што треба да игра финале.