Транспаренти со натпис „Коктел у очи задушница. Фала премиере” осамна на надвозниците на влезот во Кочани откако се дозна дека премиерот Христијан Мицкоски, со силно полициско обезбедување, е присутен на предизборен настан на ВМРО-ДПМНЕ и средба со бизнисмени во познат локал во градот.

Според „Канал 77“, на настанот, на кој покрај Мицкоски присуствува и министерката за финансии Гордана Димитриеска Кочоска, бурно реагирале родителите на загинатите во дискотеката „Пулс“, бидејќи тие го откажаа утрешниот протестен „Марш за ангелите“ во знак на почит кон христијанскиот празник, првата митровденска Задушница по трагедијата во Кочани.

„Премиерот се одлучи на забава и тоа токму во Кочани”, велат родители за „Канал 77“.

Мицкоски, според видеата кои ги објави Радио Кочани, на настанот зборува за инфраструктурни проекти, развој на туризмот во Кочани и други економски теми.

Хипербаричната капсула за повредените од „Пулс“ фаќа прашина