Деновиве европскиот дел на Русија е под обилни снежни врнежи. Минатата недела во земјата беа забележани температури од -50 до -20°C во азискиот дел на земјата и до -60°C на североистокот, во регионот Јакутија.

Силен циклон, чиј центар се движи од западна кон централна Европа, носи невреме кон источна Европа јужно од Црното Море, но и многу влажна воздушна маса, која создава обилни врнежи од снег.

Во следните два дена европскиот дел на Русија го очекуваат многу обилни снежни врнежи, заедно со силен ветер.

Снежното невреме ќе ја зафати и Москва. Обилниот снег ќе биде пропратен со налети и бурен ветер, со брзина од 50 км/ч. Се очекува висината на снежната покривка да достигне 40 сантиметри, дури и локално половина метар, а се очекува да наврнат дополнителни 20 до 40 сантиметри снег низ европскиот дел на Русија.

Снежното невреме ќе биде придружено со многу ниски температури, со вредности од -20 до -10°C.